Son Xəbər: Əli Əsədov Efiopiyanın baş nazirinin müavini ilə görüşüb, Kobaxidze: Aİ-yə üzv ölkələrin xarici işlər nazirlərinin Tbilisidə etirazlarda iştirakı təəssüf doğurur, Prezident İlham Əliyevin adından Aleksandr Lukaşenkonun şərəfinə dövlət ziyafəti verilib - YENİLƏNİB, “Belarus şirkətlərini bu prosesə fəal qoşulmağa dəvət edirik”, Kobaxidze: Türkiyə-Azərbaycan-Gürcüstan əməkdaşlığı həqiqətən vacibdir, Fransalı nazirin əsassız ittihamı - Yeliseyin sarayının iflasa uğrayan müstəmləkə siyasəti - ŞƏRH, Lukaşenko Heydər Əliyevin məzarını ziyarət etdi - FOTO, Tarixi ədalətə üz çevirib, özləri tarix olan MİNSK QRUPU – TƏHLİL, Gürcüstan baş naziri Türkiyədə SƏFƏRDƏDİR, “Qalatasaray” – “Fənərbağça” görüşünü bu hakim idarə edəcək,

Vəzifəli şəxslərin siyahısı genişləndirildi

Tarix: 30-04-2024, 18:10

“Hökumət rabitəsi ilə təmin olunan vəzifəli şəxslərin siyahısı”nda dəyişiklik edilib.

Bununla bağlı Prezident İlham Əliyev Fərman imzalayıb.

Siyahıdan ləğv edilən Azərbaycan Respublikası Xüsusi Dövlət Mühafizə Xidmətinin idarə rəisləri, Azərbaycan Respublikası Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyi rəisinin müavini və departament rəisləri çıxarılıb, Azərbaycan Respublikası Prezidentinin Təhlükəsizlik Xidmətinin idarə rəisləri, Xidmətin Milli Qvardiyası komandanının birinci müavini daxil edilib.

Eyni zamanda siyahıya Azərbaycan Respublikası Xüsusi Rabitə və İnformasiya Təhlükəsizliyi Dövlət Xidmətinin baş idarə rəisləri və Azərbaycan Respublikası Strateji Obyektlərin Mühafizəsi Dövlət Agentliyinin idarə rəisləri də daxil edilib.

Xüsusi dövlət rabitəsi ilə təmin olunan vəzifəli şəxslərin siyahısından isə Azərbaycan Respublikasının Xüsusi Dövlət Mühafizə Xidmətinin vəzifəli şəxsləri çıxarılıb, Azərbaycan Respublikası Prezidentinin Təhlükəsizlik Xidməti üzrə aşağıdakı vəzifəli şəxslər daxil edilib:

- idarə rəislərinin müavinləri;

- müstəqil şöbələrin rəisləri;

- Milli Qvardiya komandanının müavinləri.

Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti üzrə isə siyahıya aşağıdakılar daxil olunub:

- baş idarə rəislərinin müavinləri;

- idarə rəisləri və onların müavinləri;

- müstəqil şöbələrin rəisləri.

Azərbaycan Respublikasının Strateji Obyektlərin Mühafizəsi Dövlət Agentliyi üzrə aşağıdakı şəxslər siyahıda yer alıb:

- idarə rəislərinin müavinləri;

- müstəqil şöbələrin rəisləri.